نرخی نه‌وتی برێنت بە 51 دۆلاره‌

بانكی جیهانی، پێشبینی نرخی به‌رمیلێك نه‌وتی خاوی بۆ ساڵی داهاتوو خسته‌ڕوو، هاوكات ئاماده‌كاریی رێكخراوی وڵاتانی هه‌نارده‌كاری نه‌وت (ئۆپیك) بۆ دابه‌زاندنی ئاستی به‌رهه‌مهێنان وه‌ك هۆكار نیشاندا، به‌مه‌ش له‌ 53 دۆلاره‌وه‌ به‌رز بوویه‌وه‌ بۆ 55 دۆلار.

له‌لایه‌كی دیكه‌وه‌، به‌هۆی كاریگه‌ریی روونكردنه‌وه‌كانی سه‌رۆكی بانكی ناوه‌ندی ئه‌ورووپا، ماریۆ دراگی، كه‌ پاش بڕیاری فایزی بانكه‌كه‌ بڵاوی كرده‌وه‌، نیشانده‌ری دۆلار به‌ 98.6 به‌رزترین ئاستی تۆمار كرد ئه‌وه‌ش له‌ 2ی ئازاره‌وه‌ تا ئێستا به‌رزترین ئاسته‌، به‌مه‌ش فشار له‌سه‌ر نرخی فرۆشی كاڵاكان دروست كرد.

به‌هۆی ئه‌و پێشهاتانه‌وه‌، نرخی یه‌ك به‌رمیل نه‌وتی برێنت دوێنێ %2.4 دابه‌زینی به‌خۆوه‌ بینی و، به‌ 51.35 دۆلار ته‌واو بوو، ئه‌مڕۆ نرخه‌كه‌ له‌نێوان 51.1 - 5.4 دۆلار ده‌گۆڕێت.

نرخی یه‌ك به‌رمیل نه‌وتی خاوی جۆری خۆرئاوای ته‌كساس، له‌ كاتژمێر 10:10 خوله‌كی ئه‌مڕۆوه‌ به‌راورد به‌ كاتی داخستنی بازاڕ له‌ دوێنێدا %0.1 دابه‌زینی به‌خۆوه‌ بینیوه‌ و، به‌ 50.55 دۆلار مامه‌ڵه‌ی پێوه‌ ده‌كرێت.