هەولێر.. نیشتەوەی ناچاری فڕۆکەیەکی ئەمریکی

هەولێر

فڕۆکەیەکی ئەمریکی لە جۆری N635IV ی لە گوندی گاینجی نێوان هەولێر و خەبات کێشەیەکی تەکنیکی بۆ درووست دەبێت و بەناچاری لە زەوییەکی کشتوکاڵی ئەو گوندە دەنیشێتەوە.

نیشتنەوەی بە ناچاری ئەم فڕۆکەیە جگە لە زیانی ماددی هیچ زیانێکی گیانی بە دواوە نەبووە و دوای ئەو رووداوەش تیمەکانی سەربازیی ئەمریکا بە سێ هێلیکۆپتەر گەیشتنە شوێنی رووداوەکە و لە ئێستادا پاسەوانی لە فڕۆکە تێکشکاوەکە دەکەن.

بەپێی قسەی یەكێك لە شایەتحاڵانی رووداوەکە، فڕۆكەكە بەهۆی لەدەستدانی كۆنتڕۆڵەوە بە ناچاری بەرەبەرە نزم بۆتەوە و نیشتۆتەوە.

ئەگەرچی فڕۆکەکە سڤیل بووە و هیچ لۆگۆیەکی سەربازیی پێوە نەبووە و تەنیا ئاڵای ئەمریکا نەبێ، بەڵام فڕۆکەوانەکانی جلی سەربازییان لەبەردا بووە و فڕۆکەکەش چوار سەرنشینی هەڵگرتبوو کە هەموویان لەم رووداودا بەسەلامەتی رزگارییان بووە.

گوندی گاینج بە دووری 20 کیلۆمەتر دەکەوێتە رۆژئاوای شاری هەولێر و لە سنووری شارەدێی گەورگۆسکی سەر بە قەزای خەباتی پارێزگای هەولێرە.