پەیوەندی تەلەفۆنی نێوان بینالی یڵدرم و کڵچدارئۆغڵو

ئەنقەرە

سەرۆکی گشتی پارتی گەلی کۆماری تورکیا (جەھەپە) کەمال کڵچدارئۆغڵو بە تەلەفۆن پەیوەندی بە سەرۆکوەزیرانی تورکیا بینالی یڵدرم کرد.

لە پەیوەندییە تەلەفۆنییەکەدا، کڵچدارئۆغڵو بڕیاری بەشداریکردنی لە کۆبوونەوەی جەماوەری "دیموکراسی و شەھیدان" لە گۆڕەپانی یەنی کاپی شاری ئیستانبوڵ بە یڵدرم راگەیاند.

بەشی راگەیاندنی جەھەپە رایگەیاند کە کڵچدارئۆغڵو بە تەلەفۆن پەیوەندی بە سەرۆکوەزیران بینالی یڵدرم کردووە و بڕیاری بەشداریکردنی لە کۆبوونەوەی جەماوەری "دیموکراسی و شەھیدان" کە بڕیارە رۆژی یەکشەممەی ٧ی ئەم مانگە لە گۆڕەپانی یەنی کاپی شاری ئیستانبوڵ بەڕێوەبچێت، بە یڵدرم راگەیاندووە.

راشگەیەندرا کە کڵچدارئۆغڵو و یڵدرم ئاڵوگۆڕی بیروڕایان لەبارەی پرۆگرامی کۆبوونەوە جەماوەرییەکە کردووە.