ئه‌رزه‌ڕۆم و ئاگری.. سه‌رماوسۆڵه‌ كاریگه‌ری نه‌رێنیی له‌سه‌ر ژیانی هاووڵاتییان دروست كردووه‌

ئه‌رزه‌ڕۆم - AA

له‌ ئه‌رزه‌ڕۆم و ئاگری، سه‌رما و سۆڵه‌ كاریگه‌ری نه‌رێنیی له‌سه‌ر ژیانی هاووڵاتیان دروست كردووه‌.

له‌ پارێزگای ئه‌رزه‌ڕۆم، به‌هۆی دابه‌زینی پله‌كانی گه‌رما بۆ خوار سفری سه‌دی، چلوره‌ به‌ بنمیچی سه‌ربانه‌كاندا شۆڕبووه‌ته‌وه‌، سه‌هۆڵبه‌ندان روویداوه‌، جامی ئۆتۆمبێله‌كان، شوێنه‌كانی ده‌ستنوێژگرتن له‌ مزگه‌وته‌كان و سه‌ر قاڵدرمه‌كان به‌ستوویانه‌.

تیمه‌كانی شاره‌وانی سه‌رقاڵی پاككردنه‌وه‌ی شه‌قامه‌كانن له‌ سەهۆڵ و به‌فر.

له‌ پارێزگای ئاگری، به‌هۆی سه‌رماوسۆڵه‌وه‌ چلوره‌ به‌ بنمیچی سه‌ربانه‌كاندا شۆڕبووه‌ته‌وه‌ و جامی خانوو و دووكانه‌كان به‌ستوویانه‌.

هاوكات به‌ستنی لقی درخته‌كانی شاره‌كه‌ جوانییه‌كی سه‌رنجڕاكێشی به‌ ناوچه‌كه‌ به‌خشیوه‌.