ئیستانبوڵ.. دەستگیرکردنی ١٤ کەس بەتۆمەتی ئەندامێتی لە داعش

ئیستانبوڵ - AA

لە ئۆپەراسیۆنێکدا بۆسەر رێکخراوی تیرۆریستیی داعش لە ئیستانبوڵ، ١٤ کەسی بیانیی بەتۆمەتی ئەندامێتی لە داعش دەستگیرکران.

تیمەکانی بەڕێوەبەرایەتی هۆبەی بەرەنگاربوونەوەی تیرۆر لە پارێزگای ئیستانبوڵ لە چوارچێوەی هەڵمەتەکانی ئاشکراکردنی ئەو کەسانەی پەیوەندیان بە داعش و ناوچەکانی پێکدادانەوە هەیە، ئۆپەراسیۆنی هاوکاتیان کردە سەر ٢٠ ناونیشان لە ١٣ شارەکە.

لە ئۆپەراسیۆنەکەدا کە پۆلیسی تایبەتیش بەشداریکرد، ١٤ کەسی بیانیی بەتۆمەتی ئەندامێتی لە رێکخراوەکە دەستگیرکران.

رێکارەکانی ئاسایش لەبارەی گومانلێکراوە دەستگیرکراوەکان درێژەی هەیە.