ئەمریکا بۆ ئاشکراکردنی شوێنی سەرکردەکانی پەکەکە خەڵات دادەنێت

وەزارەتی دەرەوەی ئەمریکا، بڕیاریدا بە پێدانی دەستخۆشانە (پارە) بەو کەسانەی کە زانیاری لەبارەی شوێنی هەریەک لە بەرپرسانی باڵای رێکخراوی تیرۆریستی پەکەکە موڕاد قەرەیلان، جەمیل بایک و دوڕان کاڵکان دەدەن بۆ ئەوەی بکرێنە ئامانج.

ئەنقەرە - AA

جێگری لێپرسراوی کاروباری ئاڤراسیا و ئەورووپا، ماتیۆ پاڵمەر رایگەیاند کە وەزارەتی دەرەوەی ئەمریکا، بڕیاریدا بە پێدانی دەستخۆشانە (پارە) بەو کەسانەی کە زانیاری لەبارەی شوێنی هەریەک لە بەرپرسانی باڵای رێکخراوی تیرۆریستی پەکەکە موڕاد قەرەیلان، جەمیل بایک و دوڕان کاڵکان دەدەن بۆ ئەوەی بکرێنە ئامانج.

بەگوێرەی روونکردنەوەیەکی باڵیۆزی ئەمریکا لە ئەنقەرە، ئەو بڕیارەی ئەمریکا دوای سەردانی ماتیۆ دێت بۆ ئەنقەرە و کۆبوونەوەی لەگەڵ بەرپرسانی حکوومەتی تورکیا.

پاڵمەر جەختی کردەوە لەوەی کە لەبابەتی بەرەنگاربوونەوەی تیرۆر بەردەوام دەبن لە کاری هاوبەش لەگەڵ هاوپەیمانمان لە ناتۆ تورکیا و گوتی: "لە پەراوێزی سەردانەکەمدا بۆ تورکیا، بەخۆشحاڵییەوە ناوی هەریەک لە بەرپرسانی باڵای رێکخراوی تیرۆریستی پەکەکە موڕاد قەرەیلان، جەمیل بایک و دوڕان کاڵکان رادەگەیەنین کە لە چوارچێوەی پرۆگرامی "Rewards for Justice" خەڵات بۆ دادپەروەری هەرکەسێک زانیاری لەسەر ئەو سێ بەرپرسە بدات ئەوە بۆ موراد قەرەیلان (پێنج ملیۆن دۆلار) بۆ جەمیل بایک ( چوارملیۆن دۆلار) و بۆ دوران کاڵکان (سێ ملیۆن دۆلار) دەبەخشین.

وەزارەتی دەرەوەی ئەمریکا دەڵێت "لە ساڵی 1997ـەوە ئەمریکا پەکەکەی وەک رێکخراوێکی تیرۆریستی ناساندووە. لە ساڵی 2011ـەشدا ئیدارەی ئەمریکا پەکەکەی وەک رێکخراوێکی تیرۆریستی جیهانی ناساندووە".