بوومه‌له‌رزه‌یه‌ك به‌ گوڕی ٤،١ پله‌ ئه‌لعه‌زیزی هه‌ژاند

ئەلعەزیز – AA

پارێزگاری ئەلعەزیز، ئەرکایا یرک رایگەیاند کە بوومەلەرزەیەک بە گوڕی ٤،١ ئەلعەزیزی ھەژاندووە و بوومەلەرزەکە کاریگەری نەرێنی نەکردووەتە سەر ژیانی ھاووڵاتییان.

یرک لە ھەژماری فەرمیی خۆی لە تۆڕی کۆمەڵایەتی ئاماژەی بەوە داوە کە کاتژمێر ١٢:٢٤ بوومەلەرزەیەک بە گوڕی ٤،١ پلە ئەلعەزیزی ھەژاندووە.

لە پەیامەکەی یرکدا ھاتووە: "تاکوو ئێستا بوومەلەرزەکە ھیچ کاریگەرییەکی نەرێنی نەکردووەتە سەر ژیانی ھاووڵاتییان. خوای گەورە گەل و وڵاتمان بپارێزێت".