تورکیا کاروانێکی سەربازیی دیکەی رەوانەی سەر سنووری سووریا کرد

کلیس - AA

ئەو بارهەڵگرانەی کە وەک پشتیوانیی بۆ هێزەکانی سوپای تورکیا لەسەر سنوور نێردران و تۆپهاوێژیان هەڵگرتبوو، گەیشتنە کلیس.

کاروانی بارهەڵگرەکان کە لە شارە جیاوازەکانەوە نێردرابوون و لە ٦ بارهەڵگر پێکهاتبوون، ٥یان تۆپهاوێژیان بارکردبوو. دوای جێهێشتنی کلیس، بەرەو سەر سنووری نێوان سووریا و تورکیا بەڕێکەوتن.

ئەوەش زانراوە کە ئۆتۆمبێلە سەربازییەکان وەک پشتیوانیی بۆ یەکەکانی سەر سنوور رەوانەی ناوچەکە کراون و لەوێ جێگیر دەکرێن.