تەقینەوە لە شارۆچکەی بێیئۆغڵوی ئیستانبوڵ

ئیستانبوڵ

تەقینەوەیەک لە شارۆچکەی بێیئۆغڵوی شاری ئیستانبوڵ روویدا و ژمارەیەکی زۆری ئۆتۆمبێڵی فریاگوزاری رەوانەی شوێنەکە کران.

بەپێی ئەو زانیاریانەی کە وەرگیراون، لە دوای تەقینەوەکەی شەقامی ئیستیقلال ژمارەیەکی زۆری پۆلیس و تیمی فریاگوزاری رەوانەی شوێنی رووداوەکە کراون.

پۆلیس شەقامی سەرەکی شوێنی رووداوەکەی گرتووە و پشتێنەیەکی ئەمنی دروستکردووە.

بێجگە لە ئۆتۆمبێڵی فریاگوزاری و پۆلیس رێگە بە ھاتووچۆی ئۆتۆمبێڵی دیکە نادرێت و راشگەیەنرا کە بەھۆی تەقینەوەکە ژمارەیەک کەس برینداربوون.