تەقینەوەیەک لە شاری بورسای تورکیا

بورسا - AA

تەقینەوەیەک لە نزیک مزگەوتی ئولو لە شاری بورسای تورکیا روویدا و بەپێی زانیارییە سەرەتاییەکان یەک کەس کوژراوە و شەش کەسیش برینداربوون.

راشگەیەنرا کە تیمەکانی فریاگوزاری و بەرگری شارستانی رەوانەی ناوچەکە کراون.

ھاوکات برینداران بە ئۆتۆمبێڵی فریاگوزاری رەوانەی نەخۆشخانەکانی گشتی مورادییە و چەکیرگەی ناوچەکە کران.

ھێزەکانی ئەمنی تورکیا رێوشوێنی ئەمنی توندیان لەناوچەکەدا گرتەبەر و لێکۆڵینەوەش لە رووداوەکە بەردەوامە.