خوڵوسی ئاکار یەکە سەربازییەکانی تورکیای لەسەر سنووری سووریا بەسەر کردەوە

ئەنقەرە - AA

سەرۆک ئەرکانی سوپای تورکیا، خوڵوسی ئاکار لەگەڵ فەرماندەی ھێزەکانی وشکایی، ئاسمانی و دەریایی تورکیا یەکە سەربازییەکانی وڵاتەکەی لەسەر سنووری سووریا بەسەر کردەوە.

بەێی ئەو راگەیەنراوەی لە سەرۆکایەتی ئەرکانی سوپای تورکیا بڵاوبووەتەوە، جەنەڕاڵ خولوسی ئاکار و فەرماندەی ھێزەکانی وشکایی، جەنەڕاڵ یەشار گولەر و فەرماندەی ھێزەکانی ئاسمانی، جەنەڕاڵ حەسەن کوچوکئاکیوز و فەرماندەی ھێزەکانی دەریایی، جەنەڕاڵ عەدنان ئۆزبال سەردانی یەکە سەربازییەکانی وڵاتەکەیان لەسەر سنووری سووریا کردووە.
بەم پێیەش ئاکار لەکەڵ فەرماندە سەربازییەکانی ناوچەکە کۆبووەتەوە و زانیاری لەبارەی کار و چالاکییەکانی ئەو یەکە سەربازیانە وەرگرتووە.

ئاکار لەکاتی ئەو بەسەرکردنەوەیەش رایگەیاند کە بەرەنگاربوونەوەی تیرۆر تاکو ئێستا بەردەوامە.

سەرۆک ئەرکانی سوپای تورکیا، خولوسی ئاکار گوتیشی: "لە ئۆپەراسیۆنەکانی چەند مانگی رابردوو، سەدان شوێنی کۆبوونەوەی تایبەت بە رێکخراوی تیرۆریستی لە باکووری عێراق و ناوچەکانی دیکە کراونەتە ئامانج و ژمارەیەکی زۆری تیرۆریستیش لە چالاکی خراون".
ئاکار راشیگەیاند کە "لە چوارچێوەی ئەو نەخشە رێگایەی لەگەڵ ئەمریکا لەبارەی منبج لەسەری رێککەوتوون، کار و چالاکییە ھاوبەشەکان بەردەوامە و ھاوکات کارەکانی پەیوەندیدار بە کشانەوەی یەپەگە لە منبج و کۆکردنەوەی چەکەکانیان درێژەی ھەیە".

ئاکار ئاشکراشی کرد کە بە دامەزراندنی ١٢ خاڵی چاودێریکردن بە ھاوبەشی لەگەڵ ئێران و رووسیا لە ئیدلب، ئاشتی و ئاسایش لە ناوچەکەدا دەستەبەر کراوە و جەختیشی لەوە کردەوە کە گشت ئەو ئۆپەراسیۆنانەی لە دەرەوەی سنووری تورکیا ئەنجامدراون لە چوارچێوەی رێزگرتن لە سەروەری خاکی سووریا و عێراق و یاساکانی نێوەدەوڵەتی بووە.