Mohammed Baqi Hussein
13 نیسان 2016•نوێکردنەوە: 14 نیسان 2016
سهرۆكوهیزرانی توركیا ئەحمەد داودئۆغڵو:
- "تا بهدهستهێنانی ئهنجام بهردهوامدهبین له بهرهنگاربوونهوهی ههموو ئهو لایهنه شهڕخوازانهی گهلهكهمان و وڵاتهكهمان دهكهنه ئامانج و پشتیوان به خودا بهم نزیكانه ئهو لایهنانه له زیانگهیاندن به وڵاتهكهمان پاشگهز دهكهینهوه."
- "ئهمڕۆ بهمهبهستی لهنزیكهوه ئاگاداربوون له پێشهاتهكان بهڕێزان وهزیری بهرگری، سهرۆك ئهركانی سوپا و راوێژكاری میت له كلیسن".
- "با گهلهكهمان و دانیشتوانی كلیس دڵنیابن، ههموو رێوشوێنێك دهگیرینهبهر بۆ پاراستنی ئارامی و ئاسایشی وڵاتهكهمان. زیانی هاووڵاتییانمان قهرهبوو دهكهینهوه و رێگه له ستهمكردن له هیچ هاووڵاتییهكمان نادهین".
سەرۆكوەزیرانی توركیا ئەحمەد داودئۆغڵو لەبارەی وەڵامدانەوەی رێكخراوی تیرۆریستیی داعش لەلایەن سوپای توركیاوە رایگەیاند، "تا بەدەستهێنانی ئەنجام بەردەوامدەبین لە بەرەنگاربوونەوەی هەموو ئەو لایەنە شەڕخوازانەی كە گەلەكەمان و وڵاتەكەمان دەكەنە ئامانج و پشتیوان بە خودا بەم نزیكانە ئەو لایەنانە لە زیانگەیاندن بە وڵاتەكەمان پاشگەز دەكەینەوە".
داودئۆغڵو لە پێنجەمین سیمپۆزیۆمی دەسەڵاتی خۆجێی ئاك پارتی كە لە ژووری بازرگانیی ئەنقەرە سازدرابوو وتارێكی پێشكەش كرد.
داودئۆغڵو هێرشەكانی داعشی بۆسەر كلیس هەڵسەنگاند.
داودئۆغڵو گوتی: "دوو رۆژە گولـلە تۆپی داعش دەكەوێتە شاری كلیس كە شانازی بەو شارەوە دەكەین كەوا بۆتە شاری پشتیوانیی و ئامێزی بۆ پەنابەران گرتۆتەوە. لەچوارچێوەی یاسا نێودەوڵەتییەكانی بەرگریدا، سوپای توركیا بەرپەرچی داونەتەوە و پێگەكانی داعشی كردۆتە ئامانج. داوای چاكبوونەوەی بەپەلە بۆ بریندارەكانمان دەكەم. با گەلەكەمان و دانیشتوانی كلیس دڵنیابن، هەموو رێوشوێنێك دەگیرینەبەر بۆ پاراستنی ئارامی و ئاسایشی وڵاتەكەمان. زیانی هاووڵاتییانمان قەرەبوو دەكەینەوە و رێگە لە ستەمكردن لە هیچ هاووڵاتییەكمان نادەین".
- "ئەوانەی پەلامارەكەیان ئەنجامداوە، بەتوندترین شێوە باجەكەی دەدەن"
داودئۆغڵو پەلامارەكانی پێشووی ئاكچەكالە و هاوشێوەكانیشی وەبیرهێنایەوە و درێژەی بە قسەكانی دا.
داودئۆغڵو گوتی:"بەداخەوە لەنزیك سنوورەكانماندا پێكدادانی توند درێژەی هەیە. دوێنێ لەگەڵ هەریەك لە پارێزگار و سەرۆكی شارەوانیی كلیس، وەزیری بەرگریمان و سەرۆك ئەركانی سوپا قسەم كردووە. بیروڕامان لەبارەی گرتنەبەری رێوشوێنی پێویست گۆڕییەوە. ئەمڕۆ بەمەبەستی لەنزیكەوە ئاگاداربوون لە پێشهاتەكان بەڕێزان وەزیری بەرگری، سەرۆك ئەركانی سوپا و راوێژكاری میت لە كلیسن. سوورین لەسەر پاراستنی هاووڵاتییانمان و وڵاتەكەمان لەو ئاگرەی لەئارادایە. بەردەوامین لە بەرەنگاربوونەوەی هەموو ئەو لایەنە شەڕخوازانەی وڵاتەكەمان و گەلەكەمان دەكەن ئامانج و پشتیوان بە خوا لە ماوەیەكی كەمدا لە زیانگەیاندن بە توركیا پاشگەزیان دەكەینەوە. گومانتان نەبێت لەوەی ئەوانەی ئەم هێرشانەیان ئەنجامداوە، بەتوندترین شێوە باجەكەی دەكەن".
