سیواس.. رووداوی هاتوچۆ

سیواس - AA

لە ئاکامی وەرگەڕانی پاسێک لە شارۆچکەی سوشەهری لە پارێزگای سیواس لە تورکیا، ٣٩ کەس برینداربوون.

رووداوەکە لە سەر رێگای D-100 لە نزیک شارۆچکەی سوشەهری روویدا، لە کاتێکدا پاسەکە لە پارێزگای ئاگرییەوە بەرەو ئیستانبوڵ دەچوو، شۆفێرەکەی کۆنترۆڵی لەدەستدا و وەرگەڕا.

دوا بە دوای رووداوەکە تیمەکانی ئاگرکوژێنەوە و تەندروستیی رەوانەی شوێنی رووداوەکە کران.

لەو رووداوەدا ٣٩ کەس برینداربوون و بە ئەمبوڵانس گوازرانەوە بۆ نەخۆشخانەی حکوومی سوشەهری.

دوای ئەنجامدانی چارەسەری سەرەتایی هەندێک لە برینداران رەوانەی نەخۆشخانەکانی پارێزگای سیواس کران.