ئەنقەرە- AA
سەرکۆماری تورکیا، رەجەب تەیب ئەردۆغان لە رێوڕەسمێکی فەرمیدا پێشوازی لە سەرۆکوەزیرانی حکوومەتی یەکێتیی نیشتمانیی لیبیا، عەبدولحەمید دوبەیبە کرد.
لەمیانی رێوڕەسمەکەدا، سوارچاکەکان لە شەقامی بەردەم کۆشکی سەرۆکایەتی کۆماری تورکیا پێشوازییان لە ئۆتۆمبێلی عەبدولحەمید دوبەیبە کرد.
دواتریش سەرکۆماری تورکیا، رەجەب تەیب ئەردۆغان لە دەرگای سەرەکی کۆشکی سەرۆکایەتی پێشوازیی لە دوبەیبە کرد.
لە دوای ئەوەی کە ئەردۆغان و دوبەیبە لە شوێنی دیاریکراوی گۆڕەپانی پێشوازیی لێکردنەکە وەستان، سروودی نیشتمانی ھەردوو وڵات لێدرا و ٢١ تۆپ تەقێندرا.
دواتر دوبەیبە بە زمانی تورکی سڵاوی لە سەربازان کرد.
ئەو سەرباز و ئاڵایانەی کە نوێنەرایەتی ١٦ دەوڵەتی تورک لە مێژوودا دەکەن، لە گۆڕەپانی پێشوازیی لێکردنەکە دانرابوون.
پاشانیش ئەردۆغان و دوبەیبە شاندی وڵاتەکانیان بە یەکتر ناساند و دواتریش بۆ وێنەگرتن لە بەردەم کامێرای میدیاکان وەستان.
وەزیری دەرەوەی تورکیا، مەولود چاوشئۆغڵو و وەزیری ناوخۆ، سولەیمان سۆیڵو و وەزیری بەرگریی خولوسی ئاکار و وەزیری ژینگە و شارسازی، موراد کوروم و وەزیری تەندورستی، فەخرەدین کۆجا و وەزیری پیشەسازی و تەکنهلۆجیا، مستەفا ڤەرەناک و وەزیری گەنجینە و دارایی، لوتفی ئەلوان و وەزیری بازرگانی، روخسار پەکجان و وەزیری وزە و سەرچاوە سرووشتییەکان، فاتیح دۆنمهز و سەرۆکی فەرمانگەی پەیوەندییەکانی سەربە سەرۆکایەتی کۆماری تورکیا، فەخرەدین ئاڵتون بەشداریان لە رێوڕەسمەکەدا کرد.
لە بەرامبەردا پێنج جێگری وەزیر و ١٤ وەزیر و سەرۆکی ئەرکانی سوپای لیبیا، جەنەڕاڵ محەمەد حەداد یاوەری سەرۆکوەزیرانی لیبیا بوون.
لە دوای رێوڕەسمەکە کۆبوونەوەی دووقۆڵی ئەردۆغان و دوبەیبە دەستیپێکرد.
