ئیستانبوڵ – AA
بەمەبەستی گفتوگۆکردن لە بارەی چالاکییەکانی باڵیۆزخانە، شاندەکانی ئەمریکا و ڕووسیا بۆ جاری دووهەم لە ئیستانبوڵ کۆبوونەوە.
لە چوارچێوەی ئەو کۆبوونەوەیەدا کە تیایدا پرسەکانی پەیوەست بە چالاکییەکانی باڵیۆزخانە لە نێوان ئەمریکا و ڕووسیا تاوتوێ دەکرێت، شاندی ئەمریکا کاتژمێر ٠٩:٤٥ گەیشتە کونسوڵخانەی ڕووسیا لە ئیستانبوڵ.
لە کۆبوونەوەکەدا باڵیۆزی ڕووسیا لە واشنتۆن، ئەلێکساندەر دارچیێڤ سەرۆکایەتی شاندی ڕووسیا و، جێگری ڕاوێژکار لە وەزارەتی دەرەوەی ئەمریکا بۆ کاروباری ڕووسیا و ناوەڕاستی ئەورووپا، سۆناتا کۆڵتەر سەرۆکایەتی شاندی ئەمریکا دەکات.
ژمارەیەکی زۆر لە ڕۆژنامەنووسانی تورکیا و وڵاتانی دیکە گرنگییەکی زۆریان بە کۆبوونەوەکە دا.
یەکەم کۆبوونەوەی نێوان شاندەکانی ئەمریکا و ڕووسیا کە لە ئیستانبوڵ بەڕێوەچوو، لە ٢٧ی شوباتدا لە کونسوڵخانەی ئەمریکا لە ئیستانبوڵ ئەنجامدرا.
