قەدەغەی خۆپێشاندان و گردبوونەوە لە وان

وان - AA

پارێزگای وان بۆ ماوەی ١٠ رۆژ ھەموو جۆرە خۆپێشاندان و گردبوونەوەیەکی لە شارەکە قەدەغە کرد.

بەپێی راگەیەندراوێکی پارێزگای وان، بە مەبەستی پاراستنی گیان و ماڵی ھاووڵاتیان و دامودەزگاکانی حکوومی و خۆشگوزەرانی خەڵک، بڕیاری قەدەغەکردنی خۆپێشاندان دەرکراوە.

لە راگەیەندراوەکەدا ھاتووە "لە چوارچێوەی مادەی ١١ یاسای باری نائاسایی و یاسای ژمارە ٢٩١١ی تایبەت بە کۆبوونەوە و خۆپێشاندان، ھەموو جۆرە خۆپێشاندان، کۆبوونەوەی جەماوەری، ھەڵدانی چادر، مانگرتن و چالاکییەکانی ھاوشێوەی، لە ١١ی تشرینی دووەمی ٢٠١٦ قەدەغە دەکرێت کە ماوەی ١٠ رۆژ دەخایەنێت".