وان.. رووداوێکی هاتوچۆ ٢٤ قوربانی لێکەوتەوە

وان- AA

لە ئاکامی وەرگەڕانی پاسێک لە شاری وان، دوو کەس گیانیان لەدەستدا و ٢٢ی دیکەش برینداربوون.

بە پێی ئەو زانیارییانەی دەستکەوتوون، پاسێکی نەفەرهەڵگر لە ناوچەی تاسماڵیی لەسەر رێگەی سەرەکی ئەرجیش-وان وەرگەڕاوە و کەوتووەتە نێو کەندەڵانێکەوە.

دوای رووداوەکەش تیمەکانی تەندروستی، ئاگرکوژێنەوە و ئافاد و یەکەکانی جەندرمە گەیشتوونەتە شوێنەکە.

لە ئاکامی رووداوەکەشدا، دوو کەس گیانیان لەدەستداوە و ٢٢ی دیکەش برینداربوون و گەیەنراونەتە نەخۆشخانەکانی وان.