وەرگەڕانی پاسێک لە دیاربەکر، برینداربوونی ٣٣ کەسی لێکەوتەوە

دیاربەکر - AA

لە ئاکامی وەرگەڕانی پاسێک لە قەزای بیسمیل لە دیاربەکر، ٣٣ کەس برینداربوون.

رووداوەکە لەسەر رێگای قەزای بیسمیل لە دیاربەکر روویدا کە بەهۆیەوە شۆفێری پاسەکە کۆنترۆڵی ئۆتۆمبێلەکەی لەدەستدا و وەرگەڕا.

دوا بە دوای رووداوەکە تیمەکانی پۆلیس، جەندرمە، تەندروستی، ئافاد و ئاگرکوژێنەوە گەیشتنە شوێنی رووداوەکە.

ژمارەیەک لە سەرنشینان کە لە پاسەکەدا گیریان خواردبوو، لەلایەن تیمەکانەوە رزگارکران.

لەو رووداوەدا ٣٣ کەس برینداربوون و لەلایەن تیمی تەندروستییەوە گواسترانەوە بۆ نەخۆشخانە.

ئاماژە بەوە کرا کە بریندارەکان بە گشتیی تەندروستیان باشە.