"ژماره‌ی ئه‌وانه‌ی کە له‌ په‌لاماره‌كه‌ی عه‌نتابدا گیانیان له‌ده‌ستدا گەیشتە 30 كه‌س"

پارێزگاری عه‌نتاب، عه‌لی یه‌رلیكایا: "په‌لامارێكی تیرۆریستی ئاهه‌نگێكی هاوسه‌رگیریی له‌ گه‌ڕه‌كی به‌یباخچه‌ی ناوچه‌ی شاهینبه‌ی كرده‌ ئامانج. له‌و په‌لاماره‌دا 30 هاووڵاتیی گیانیان له‌ده‌ستدا و 94ی دیكه‌ش بریندار بوون".

یه‌رلیكایا له‌ڕوونكردنه‌وه‌یه‌كی نووسراودا رایگه‌یاندووە، ژماره‌ی ئه‌و كه‌سانه‌ی له‌ په‌لاماره‌كه‌ی عه‌نتابدا گیانیان له‌ده‌ستداوه‌، بۆ 30 كه‌س به‌رزبووه‌ته‌وه‌ و 94 كه‌سیش بریندار بوون.
ناوبراو له‌ روونكردنه‌وه‌كه‌یدا به‌توندی ئیدانه‌ی په‌لاماره‌كه‌ و ئه‌نجامده‌رانی كردووه‌ و نووسیویه‌تی: "په‌لامارێكی تیرۆریستی ئاهه‌نگێكی هاوسه‌رگیریی له‌ گه‌ڕه‌كی به‌یباخچه‌ی ناوچه‌ی شاهینبه‌ی كرده‌ ئامانج. له‌و په‌لاماره‌دا تا ئێستا 30 هاووڵاتی گیانیان له‌ده‌ستداوە و 94ی دیكه‌ش بریندار بوون. ئه‌نجامده‌رانی ئه‌و په‌لاماره‌ له‌به‌رده‌م دادپه‌روه‌ریی كۆماری توركیادا به‌سزای خۆیان ده‌گه‌ن. داوای لێخۆشبوون بۆ ئه‌وانه‌ی گیانیان له‌ده‌ستداوه‌ دەکەین و هیوای چاكبوونه‌وه‌ بۆ برینداران ده‌خوازین".