Muhammet Ali Kemal
02 شوبات 2017•نوێکردنەوە: 03 شوبات 2017
ئەنقەرە- AA
وەزارەتی دەرەوەی تورکیا سەرکۆنەی پەسەندکردنی درووستکردنی 3 هەزار یەکەی جولکەنشینی لەلایەن حکوومەتی ئیسرائیلەوە لەسەر خاکی داگیرکراوی فەڵەستین، کرد.
وەزارەتی دەرەوەی تورکیا لەوبارەیەوە روونکردنەوەیەکی بڵاوکردەوە و تیایدا هاتووە: ''ئیدانەی پەسەندکردنی دروستکردنی 3 هەزار یەکەی جولکەنشین لەلایەن حکوومەتی ئیسرائیلەوە لەسەر خاکی داگیرکراوی فەڵەستین، دەکەین''.
لەروونکردنەوەکەدا باس لەوەکراوە سەرەڕای هۆشدارییەکانی کۆمەڵگەی نێودەوڵەتی، بەردەوامبوونی ئیسرائیل لەم کارە نایاساییانە کە دەبنە مایەی هەڕەشە و تێکدانی ئاشتی هەمیشەیی و چارەسەر لەسەر بنەمای دوو دەوڵەت، مایەی نیگەرانییە.
