کەشوهەوای سارد لە پارێزگاکانی ئەرزەڕۆم و ئاگری و ئیدر

ئەرزەڕۆم - AA

کەشوهەوای سارد کاریگەری نەرێنیی لەسەر ژیانی هاووڵاتییان لە پارێزگاکانی ئەرزەڕۆم، ئاگری و ئیدر دروست کردووە.

بەهۆی سەرماوسۆڵە و تەمێکی زۆر کە دوێنێ لە ئەرزەڕۆم کاریگەر بوو، جامی ئۆتۆمبێلەکان و لقی درەختەکان بەستوویەتی.

ژمارەیەک لە هاووڵاتییانی شارەکە ئۆتۆمبێلەکانیان بە بەتانی و خیوەت داپۆشی و پاراستیانن لە بەستن.

- ئاگری

لە پارێزگای ئاگری بەهۆی سەرمای توندەوە سەربانی خانووەکان چلورەیان پیادا شۆڕبووەوە.

ئاوی جۆگەلەکانی شارەکە بەستی و هاووڵاتییان بۆ پاراستنی ئۆتۆمبێلەکانیان لە بەستن بە خیوەت و بەتانی دایانپۆشین.

- ئیدر

لە گوندەکانی نزیک شاری ئیدر، زستانێکی سەخت دەگوزەرێت.

هاووڵاتییان هەوڵ و تەقەلایەکی زۆر دەدەن بۆ لەوەڕاندنی ئاژەڵەکانیان و منداڵانیش لەو کەشوهەوا ساردەدا بە خلیسکێنەکردن کاتێکی خۆش بەسەر دەبەن.