مەدرید - AA
لە قۆناغی پێش کۆتایی جامی ئیسپانیا، یانەی ریاڵمەدرید و یانەی ئەتلەتیک بیلبائۆ رووبەڕووی یەک بوونەوە.
لە خولەکەکانی ١٨ و ٣٨ دا یاریزان، رائول گارسیا، دوو گۆڵی یەک لە دوای یەکی بۆ یانەی ئەتلەتیک بیلبائۆ تۆمار کرد.
لە نیوەی دووەمی یارییەکەدا و لە خولەکی ٧٣دا یاریزان، کەریم بێنزیما گۆڵی یەکەمی بۆ یانەی ریاڵ مەدرید تۆمار کرد و یارییکە بە ئەنجامی ٢-١ کۆتایی هات.
بەم شێوەیە یانەی ئەتلەتیک بیلبائۆ بۆ یاری کۆتایی جامی ئیسپانیا سەرکەوت.
هەر لە نیوەی پێش کۆتایی جامی ئیسپانیا، یانەی بارسێلۆنا بە ئەنجامی ٤-٣ لە یانەی ریاڵ سۆسییەیتد-ی بردەوە.
بڕیاریشە یاری کۆتایی جامەکە لە شاری سەڤیلیا و لە ١٧ی کانوونی دووەمدا لە نێوان ئەتلەتیک بیلبائۆ و بارسێلۆنا ئەنجام بدرێت.
هەرچەندە بەگوێرەی گرێبەستێکی نێوان سعوودیە و فێدراسیۆنی تۆپی پێی ئیسپانیا، بڕیاربوو جامی ئیسپانیا لە ٢٠٢٠، ٢٠٢١ و ٢٠٢٢ لە سعوودیە ئەنجام بدرێت بەڵام بەهۆی بڵاوبوونەوەی پەتای کۆرۆنا ئەمساڵ یارییەکانی جامەکە لە ئیسپانیا بەڕێوەچوون.
