سعوودیە ئیدانەی ھێرشەکانی ئادانا و شرناخی کرد

ریاز

وەزارەتی دەرەوەی سعوودیە، ئیدانەی ھێرشە تیرۆریستییەکانی ھەردوو شاری ئادانا و شرناخی تورکیای کرد.

بەپێی ئەو ھەواڵەی کە لە ئاژانسی ھەواڵی ئێس پی ئەی فەرمی سعوودیە بڵاوکراوەتەوە، وەزارەتی دەرەوەی ئەو وڵاتە ئیدانەی ھێرشە تیرۆریستییەکانی ھەردوو شاری ئادانا و شرناخی کردووە.

لە راگەیەنراوەکەدا ئاماژە بەوە کراوە کە ئیدارە و گەلی سعوودیە سەرەخۆشی لە خانەوادەی قوربانیان دەکات و ھیوای زوو چاکبوونەوەش بۆ برینداران دەخوازێت.

لە راگەیەنراوەکەدا جەخت لەوە کرایەوە کە سعوودیە بەردەوام دەبێت لە ھاوپشتی تورکیا.