ئیندۆنێزیا.. تەقینەوەی گڕکانی مەراپی

جاکارتا - AA

ناوەندی لێکۆڵینەوەی تەکنەلۆجیای جیۆلۆجی و کارەساتی سروشتی یۆگیاکارتا لە ئیندۆنیزیا رایگەیاند "کاتژمێر ٠٩:١٣ی ئەمڕۆ لە گڕکانی مەراپی کە دەکەوێتە شاری یۆگیاکار، تەقینەوەیەک روویداوە و ماوەی ٣٢٨ چرکەی خایاندووە".

ناوەندی لێکۆڵینەوەی تەکنەلۆجیای جیۆلۆجی و کارەساتی سروشتی یۆگیاکارتا لە راگەیەندراوەکەدا ئەوەیشی خستووەتەڕوو کە لە میانی تەقینەوەکەدا، خۆڵەمێش و پێکهاتەکانی دیکەی ناو گڕکانەکە تا شەش هەزار مەتر بەرزبوونەتەوە و ١٤ خولەک دوای تەقینەوەکەی یەکەم، تەقینەوەیەکی دیکەی بچووکیش روویداوە.

لە ساڵی ٢٠١٠دا، بەهۆی تەقینەوەی گڕکانی مەراپی کە دەکەوێتە بەرزایی دوو هەزار و ٩٦٨ مەتر لە ئاستی رووی دەریاوە، ٣٤٧ کەس گیانیان لەدەست دا.