ئێران.. لە هێرشێکی چەکدارییدا ٧٧ کەس بوونە قوربانی

جێگری پارێزگاری خوزستان عەلی حوسەینزادە رایگەیاند کە لە ئاکامی هێرشێکی چەکداری بۆسەر مەراسیمی سەربازی لە شاری ئەهواز 24 کەس گیانیان لەدەستدا و 53ی دیکەش بریندار بوون.

حوسەینزادە رایگەیاندووە: "لە شاری ئەهواز کە دەکەوێتە باشووری رۆژئاوای ئێران لە مەراسیمێکی سەربازی کە لە ساڵرۆژی جەنگی عێراق - ئێران سازکرابوو، هێرشێکی تیرۆریستی ئەنجامدرا و بەهۆیەوە 24 کەس گیانیان لەدەستدا و 53٠ی دیکەش بریندار بوون".

راگەیەندرا کە لەنێوا کوژراوان هاووڵاتی سڤیل و سەرباز هەن.

جێگری پارێزگای خوزستان لە لێدوانێکی بۆ تەلەڤیزیۆنی فەرمی ئێران گوتی: "ئەو تیرۆریستانەی کە هێرشیان کردە سەر مەراسیمە سەربازییەکە دوانیان کوژران و دوانیشیان بە زیندوویی دەستگیر کراون".

لە لێدوانێکیشدا گوتەبێژی سوپای پاسدارانی ئێران رەمەزان شەریف گوتی: "هێرشە تیرۆریستییەکە لەلایەن رێکخراوی ئەلئەحوازییە ئەنجامدراوە".