بایدن نیگه‌رانه‌ له‌ ته‌شه‌نه‌سه‌ندنی هێرشه‌كانی دژه‌ سامییه‌ت له‌ وڵاته‌كه‌یدا

واشنتۆن – AA

سەرۆکی ئەمریکا، جۆ بایدن نیگەرانی خۆی دەربڕی لە تەشەنەسەندنی ھێرشەکانی دژە سامییەت لە وڵاتەکەیدا و رایگەیاند کە ئەم ھێرشانە قبوڵکراو نین.
بایدن لە راگەیەندراوێکدا سەرنجی خستە سەر تەشەنەسەندنی ھێرشەکانی دژە سامییەت لە ئەمریکا.

سەرۆکی ئەمریکا تەشەنەسەندنی ھێرشەکانی ئەم چەند ھەفتەیەی دوایی بە "قبوڵنەکراو" و "پێچەوانەی بەھاکانی ئەمریکا" لەقەڵەم دا و ئاماژەی بەوە دا کە ڕێگە نادەن ھیچ ئەمریکییەک بەھۆی بەھای ئایینی و باوەڕەوە ھەڕەشەی لێ بکرێت.

بەپێی ئەو ھەواڵانەی لە میدیاکانی ئەمریکادا بڵاو کراونەتەوە لەگەڵ ئەنجامدانی ھێرشەکانی ئیسرائیل بۆ سەر فەڵەستینییەکان لە ژمارەیەک ناوچەی ئەمریکا ھەڕەشەکردن و ھێرشکردن بۆ سەر جولەکەکان زیادی کردووە.