بوومەلەرزەیەك ئێرانی هەژاند

تاران ــ AA

بوومەلەرزەیەك بە گوڕی 5،4 ناوچەی كۆناو سەر بە پارێزگای بوشەهر باشووری ئێرانی هەژاند.

ناوەندی چاودێریكردنی بوومەلەرزە سەر بە پەیمانگای جیوفیزیایی زانكۆی تاران بڵاوی كردەوە كە بوومەلەرزەكە كاتژمێر هەشتی بەیانی بە كاتی ناوخۆی تاران ناوچەكەی هەژاندووە.

هەر بە پێی ناوەندەكە قۆڵایی بوومەلەرزەكە 11 كیلۆمەتر بووە.

تا ئێستا هیچ لێدوان و داتایەك لە بارەی زیانە گیانی و ماددەییەكانی بوومەلەرزەكە بڵاونەكراوەتەوە.