بوومەلەرزەیەک بەگوڕى ٥،٦ پلە خۆرئاوای ئێرانی هەژاند

ئەنقەرە - AA

بوومەلەرزەيەك بەگوڕى ٥،٦ پلە، لە شاری خوی سەربە پارێزگای ئازەربایجانی خۆرئاوای لە خۆرئاوای ئێران روویدا.

بەپێى ئەو زانيارييەى لە ماڵپەڕى سەرۆکایەتی ئیدارەدانی کارەسات و باری لەناکاو (AFAD)دا بڵاوکراونەتەوە، بوومەلەرزەکە کاتژمێر ٠٣:٢١ خولەک بەگوڕی ٥،٦ پلە روویداوە کە چەقەکەی شاری خوی بووە.

بوومەلەرزەكە لە قوڵايى نزیکەی حەوت كيلۆمەتر روویداوە و هێزەکەی لە هەکاری و وان هەستی پێ کراوە.

چەقی بوومەلەرزەكە ٦٢ کیلۆمەتر لە لە قەزای باشکالەی سەربە پاڕیزگای وان دوور بووە.