بەغدا.. بەرپرسێکی سەربازیی سەر بە سەدر کوژرا

بەغدا - AA

بەرپرسێکی سەربازیی سەر بە ھێزی ملیشیای سەرکردەی شیعی، موقتەدا سەدر لەلایەن چەند کەسێکی نەناسراوەوە، لە ھێرشێکی چەکداریدا کوژرا.

بەپێی ئەو زانیاریانەی کە لە سەرچاوەکانی ئەمنی وەرگیراون، ئەندامی ھێزی ملیشیای شیعی سەرایا سەلام-ی سەر بە موقتەدا سەدر، حوسێن ئەلحیجامی لە ھێرشێکی چەکداریدا کوژرا.

بەرپرسێکی سەر بە رەوتی سەدر کە نەیویست ناوی ئاشکرا بکرێ لە لێدوانێکیدا بۆ ئاژانسی ئانادۆڵو رایگەیاند کە حیجامی لەلایەن چەند چەکدارێکەوە کوژراوە و تەرمەکەشی گواستراوەتەوە بۆ پزیشکی دادوەری لە شاری بەغدا.

ئەو بەرپرسەی سەر بە رەوتی سەدر زانیاری دیکەی بڵاونەکردووە و راشیگەیاند کە چاوەڕێ دەکەن دەسەڵاتداران لێکۆڵینەوە لەبارەی ھێرشەکە دەستپێبکەن.

راشگەیەندرا کە حیجامی لە ھەمان کاتدا فەرمانبەری وەزارەتی تەندروستی بووە.