تورکیا: "سەقامگیریی لە سووریا بەبێ لەناوبردنی ھەڕەشەی تیرۆر بەدی نایەت"

نیویۆرک ــ AA

نوێنەری ھەمیشەیی تورکیا لە نەتەوە یەکگرتووەکان، ئەحمەد یڵدز ڕایگەیاند کە سەقامگیریی لە سووریا بەبێ لەناوبردنی ھەڕەشەی تیرۆر بەدی نایەت.

ئەحمەد یڵدز لە گوتەیەکدا لە بەردەم ئەنجوومەنی ئاسایشی نێودەوڵەتیی گوتی: "نابێت ڕێگا بە گرووپە تیرۆریستییەکان بدرێت، لەوەی پرۆسەی قۆناغی ڕاگوزەر لە سووریا بۆ بەرژەوەندی خۆیان بقۆزنەوە".

جەختی لەوەش کردەوە ڕێکخراوی تیرۆریستیی پەکەکە/پەیەگە و درێژکراوەكەی لە سووریا بەناو "ھەسەدە"، ھێشتا مەترسییەکی جیددین نەک تەنھا بۆ سەر ئاسایشی سووریا، بەڵکو بۆ سەر ئاسایشی نەتەوەیی تورکیا و ناوچەکەش.

ئاماژەی بەوەشدا، تورکیا بەردەوام دەبێت لە گرتنەبەری ڕێوشوێنی پێویست بۆ پاراستنی سنوورەکانی و ڕێگریی کردن لەو گروپە تیرۆریستیانەی کە ھەوڵدەدەن دۆخی ئێستای سووریا بۆ بەرژەوەندی خۆیان بقۆزنەوە.