روونکردنەوەی وەزارەتی دەرەوەی ئەمریکا لەبارەی منبجەوە

- گوتەبێژی وەزارەتی دەرەوەی ئەمریکا، هیزەر ناوێرت لە کۆنگرەیەکی رۆژنامەوانییدا، وەڵامی پرسیارەکانی پەیوەست بە کۆبوونەوەی وەزیری دەرەوەی وڵاتەکەی، مایک پۆمپیۆ و هاوتا تورکییەکەی، مەولود چاوشئۆغڵو کە لە واشنتۆن سازیانکرد،دایەوە.

واشنتۆن- AA

گوتەبێژی وەزارەتی دەرەوەی ئەمریکا، هیزەر ناوێرت لە کۆنگرەیەکی رۆژنامەوانییدا، وەڵامی پرسیارەکانی پەیوەست بە کۆبوونەوەی وەزیری دەرەوەی وڵاتەکەی، مایک پۆمپیۆ و هاوتا تورکییەکەی، مەولود چاوشئۆغڵو کە لە واشنتۆن سازیانکرد، دایەوە.

هیزەر ناوێرت رایگەیاند "ئەمریکا و تورکیا لە ئەنجامی ئەم کۆبوونەوانەدا گەیشتنە رێککەوتنێک لەپێناو دەستەبەرکردنی سەقامگیریی لە منبج و ئیدارەدانی منبج لە لایەن منبجییەکانەوە".

ناوێرت جەختی لەوەکردەوە کە یەپەگە بۆ خۆرهەڵاتی رووباری فورات دەکشێتەوە و گوتی: "بەپێی ئەوەی لە رێککەوتنەکەدا هاتووە، ئەم کارە ئەنجامدەدەن".

هاوکات هیزەر جەختی لەو هەنگاوانە کردەوە کە سەبارەت بە منبج دەهاوێژرێن و ئاماژەی بەوە کرد کە "دوای ئەوەی کە مەرجەکان دەستەبەرکران، دەست بە قۆناغی دواتر دەکرێت".

* ماڵپەڕی ئاژانسی ئانادۆڵو، ئەم ھەواڵەی کە بڵاوکراوەتەوە کورت و پوخت کردووەتەوە و دواتر بڵاوی کردووەتەوە، بۆ بیینینی تەواوی ھەواڵەکە ببن بە ئابونەداری ئاژانسی ئانادۆڵو.