عەباس عراقچی: "ئیسرائیل ڕێککەوتنی ئاگربەست لەگەڵ لوبنان پێشێل دەکات"

بەیروت ــ AA

وەزیری دەرەوەی ئێران، عەباس عراقچی ڕایگەیاند کە ئیسرائیل پابەند نییە بە ڕێککەوتنی ئاگربەست لەگەڵ لوبنان و ڕێککەوتنەکە پێشێل دەکات و ئاماژەی بەوەدا کە ئێران ئامادەیە بۆ شەڕ و دانوستان.

عەباس عراقچی لە کاتی گەیشتنی بۆ فڕۆکەخانەی نێودەوڵەتی ڕەفیق حەریری لە بەیروت لە کۆنگرەیەکی ڕۆژنامەوانییدا گوتی: "ناوچەکەمان ڕووبەڕووی تەحەدایەکی بێ وێنە بووەتەوە".

باسی لەوەش کرد کە لە میانی دوو ساڵی ڕابردوودا، ھێرش کراونەتە سەر حەوت وڵات لەنێویاندا لوبنان و ئێران و گوتی: "ھێشتا بەشێکی خاکی لوبنان لەژێر داگیرکاریی دایە".

گوتیشی:"زایۆنی پابەند نییە بە ڕێککەوتنی ئاگربەست لەگەڵ لوبنان و ڕێککەوتنەکە پێشێل دەکات، ھەروەھا وڵاتەکەمان ئامادەیە بۆ شەڕ و دانوستان".