كاڵن: "گوتەكانى ماكرۆن ئاگرى دوژمنايەتییكردنی ئيسلام گەشدەكاتەوە"

ئەنقەرە - AA

گوتەبێژى سەرۆكايەتى كۆمارى توركيا ئيبراهيم كاڵن، لە بارەى گوتەكانى سەركۆمارى فەڕەنسا ئيمانوێل ماكرۆن، كه‌ رایگه‌یاندبوو "ئيسلام لە قەيراندايە"، ئاشكرایكرد، ئەم لێدوانانە لێدوانی وروژاندنە و ئاگرى دژايەتییكردن و دوژمنايەتییكردنی ئيسلام گەشدەكاتەوە.

ئیبراهیم كاڵن دەربارەى گوتەكانى ماكرۆن، لە رێگەى هەژمارى خۆى لە تویتەر په‌یامێكی بڵاوكردەوە:

"گوتەكانى سەركۆمارى فەڕەنسا ئيمانوێل ماكرۆن بەوەى 'ئيسلام لە قەيراندايە'، لێدوانى وروژاندنە و ئاگرى دژايەتییكردن و دوژمنايەتییكردنی ئيسلام گەشدەكاتەوە. هەوڵدانى فەڕەنسا بۆ ئەوەى هەڵە و سەركێشييەكانى خۆى بخاتە سەر ئيسلام و موسڵمانان جێگەى سەرسوڕمانە".