هاکان فیدان ڕۆژانی ٢٦ و ٢٧ی ئایار سەردانی ڕووسیا دەکات

ئیستانبوڵ - AA

وەزیری دەرەوەی تورکیا هاکان فیدان لەسەر بانگهێشتی فەرمی وەزیری دەرەوەی ڕووسیا سێرگی لاڤرۆڤ ڕۆژانی ٢٦ و ٢٧ی ئایار سەردانی ڕووسیا دەکات.

بە پێی ئەو زانیارییەی کە لە سەرچاوەکانی وەزارەتی دەرەوەی دەست کەوتووە، هاکان فیدان لە سەردانێکدا بۆ ڕووسیا کە ڕۆژانی ٢٦ و ٢٧ی ئایار ئەنجام دەدرێت، لە لایەن سەرۆکی ڕووسیا ڤلادیمیر پووتین پێشوازی لێ دەکرێت و هەروەها لەگەڵ وەزیری دەرەوە سێرگی لاڤرۆڤ کۆدەبێتەوە.

لە دیدارەکاندا، هاکان فیدان باس لە پەیوەندییەکانی نێوان دوو هێزی گرنگی ناوچەکە، تورکیا و ڕووسیا دەکات و هەروەها هاریکارییەکان لە بواری بازرگانی، وزە و گەشتیاری و زۆر بابەتی دیکە تاوتوێ دەکرێن.

دانوستانەکانی نێوان ڕووسیا و ئۆکراینا و ڕۆڵی تورکیا بۆ نێوەندگیری هەردوو وڵات و هەروەها پرسەکانی هەرێمی وەک سووریا و غەززەش تەوەری دیکەی باسەکانی وەزیری دەرەوەی تورکیا لەگەڵ بەرپرسانی ڕووسیا دەبێت.