وادەی سەردانەکەی کازمی بۆ ئەمریکا ئاشکرا کرا

نیویۆرک - AA

سەرۆکوەزیرانی عێراق، مستەفا کازمی 26ی تەمووز سەردانی ئەمریکا دەکات.

گوتەبێژی کۆشکی سپی، جێن ساکی لە راگەیەندراوێکدا ئەوەی خستوەتەڕوو کە سەرۆکی ئەمریکا، جۆ بایدن لە کۆشکی سپی میوانداری کازمی دەکات و لە سەردانەکەدا جەخت لە هەماهەنگی ستراتیجی و کاری هاوبەشی نێوا هەردوو وڵات دەکرێتەوە.

لە راگەیەندراوەکەدا باس لەوەش کراوە کە لە میانەی سەردانەکەدا، سەرنج دەخرێتە سەر پرسەکانی وەک پەروەردە، تەندرووستی، کولتوور، وزە و ئاووهەوا، هەروەها لە پرسە سیاسی، ئابووری و ئەمنییەکان بەتایبەت بۆ ریشەکێش کردنی داعش، ئەمریکا هەماهەنگییەکانی لەگەڵ عێراق بەهێزتر دەکات.