وه‌زیرانی به‌رگریی توركیا و ئه‌مریكا په‌یوه‌ندییه‌كی ته‌له‌فۆنییان ئه‌نجامدا

ئه‌نقه‌ره‌- AA

وه‌زیری به‌رگریی توركیا، خولوسی ئاكار په‌یوه‌ندییه‌كی ته‌له‌فۆنیی له‌گه‌ڵ وه‌زیری به‌رگریی ئه‌مریكا، ڵۆید ئۆستن ئه‌نجامدا.

له‌ راگه‌یه‌ندراوێكدا كه‌ له‌لایه‌ن وه‌زاره‌تی به‌رگریی توركیاوه‌ بڵاوكراوه‌ته‌وه‌، هاتووه‌: "وه‌زیری به‌رگریی، خولوسی ئاكار و وه‌زیری به‌رگریی ئه‌مریكا، ڵۆید ئۆستن په‌یوه‌ندییه‌كی ته‌له‌فۆنییان ئه‌نجامداوه‌. له‌و په‌یوه‌ندییه‌ ته‌له‌فۆنییه‌دا كه‌ به‌شێوه‌یه‌كی ئه‌رێنی و بنیاتنه‌رانه‌ به‌ڕێوه‌چوو، له‌دوای لووتكه‌ی ناتۆ، بیروڕا له‌باره‌ی بابه‌ته‌ ناوچه‌یی، به‌رگریی دووقۆڵی و ئه‌منییه‌كان ئاڵوگۆڕكراوه‌".