پوتین، وەزیرانی دەرەوەی ئازەربایجان و ئەرمینیای بانگهێشتی مۆسکۆ کرد

مۆسکۆ - AA

سەرۆکی رووسیا، ڤلادیمێر پوتین سەبارەت بە پێشهاتەکانی قەرەباغ کە لە ژێر داگیرکاری ئەرمینیادایە، وەزیرانی دەرەوەی ئازەربایجان و ئەرمینیای بانگهێشت کرد بۆ مۆسکۆ.

لە راگەیەندراوێکدا کە لە لایەن کریملین-ەوە بڵاوکراوەتەوە، ئەوە وەبیرهێنراوەتەوە کە پوتین زنجیرەیەک پەیوەندی تەلەفۆنی لەگەڵ سەرکۆماری ئازەربایجان، ئیلهام عەلیێڤ و سەرۆکوەزیرانی ئەرمینیا، نیکۆل پاشینیان ئەنجامداوە و، داوای لێکردوون شەڕ و پێکدادانەکانی قەرەباغ بوەستێنن بۆ گۆڕینەوەی تەرم و دیلەکان.

لە راگەیەندراوەکەدا هاتووە؛ ''بەمەبەستی راوێژکردن لەو بابەتانەدا بە نێوەندگیری وەزیری دەرەوەی رووسیا، وەزیرای دەرەوەی ئازەربایجان و ئەرمینیا، بانگهێشت دەکرێن لە نۆی تشرینی یەکەمدا سەردانی مۆسکۆ بکەن''.