ژمارەیەک ناوچەی لوبنان لەلایەن سوپای ئیسرائیل بۆردومان کران

سوپای ئیسرائیل لە ڕێگای فڕۆکەی جەنگی و تۆپخانەوە، ژمارەیەک ناوچەی باشووری لوبنانی بۆردومان کرد.

ئاژانسی ھەواڵی فەرمیی لوبنان "NNA" بڵاوی کردەوە کە فڕۆکەى جەنگی و تۆپخانەکانی ئیسرائیل، بە چڕی ژمارەیەک ناوچەی باشووری لوبنانیان بۆردومان کردووە.

ئاژانسەکە، وردەکاری زیاتری لەوبارەیەوە نەخستووەتە ڕوو.

ھەروەھا تا ئێستا زیانە گیانییەکانی بۆردومانەکان، نەزاندراوە.