غوتای رۆژھەڵات.. ئەسەد خەڵکی سڤیل دەکاتە ئامانج

دیمەشق

لەئەنجامی ھێرشی ئاسمانی فڕۆکە جەنگییەکانی رژێمی سووریا بۆ سەر شارەدێیەکانی جسریان، کەفر باتنە لە ناوچەی غوتای رۆژھەڵاتی سەر بە دیمەشق، ٢٨ سڤیل گیانی لەدەستدا.

بەپێی ئەو زانیاریانەی کە ئاژانسی ئانادۆڵو لە بەرپرسانی بەرگری شارستانی جسریان، کەفر باتنە وەریگرتووە، لەئەنجامی ھێرشی ئاسمانی فڕۆکە جەنگییەکانی رژێمی سووریا بۆ سەر شارەدێی جسریان، ٢٠ سڤیل و ھەروەھا لە شارەدێی کەفر باتنە، ھەشت سڤیل لە ناوچەی غوتای رۆژھەڵاتی سەر بە دیمەشق گیانیان لەدەستداوە.

بەرپرسان راشیانگەیاند کە ژمارەیەکی زۆری برینداران رەوانەی نەخۆشخانە گەڕۆکەکانی ناوچەکە کراون و ھاوکات ژمارەیەکی زۆری باڵاخانەش زیانیان پێ گەیشتووە.

جێگەی باسە چالاکوانی ناوخۆی کەفر باتنە، ئەنەس ئەلدیمەشکی رایگەیاند کە رژێمی ئەسەد پێش نوێژی ھەینی ھێرشی ئەنجامداوە و لە نێو کوژراوانیش ژمارەیەکی زۆری ئافرەت و منداڵ ھەیە.