قه‌ره‌داخی: كێشه‌ی كورد له‌سوریا پێویسته‌ به‌داوه‌رانه‌ چاره‌سه‌ر بكرێ

سلێمانی

دكتۆر عه‌لی قه‌ره‌داغی ئه‌مینداری گشتی یه‌كێتییه‌كه‌ له‌باره‌ی پرسی كوردو قه‌یرانی سوریا قسه‌ی بۆ (AA) كرد.

قه‌ره‌داخی له‌باره‌ی ناوچه‌ كوردییه‌كانی سوریاو ئه‌و ره‌وشه‌ی باڵی كێشاوه‌ به‌سه‌ریاندا گوتی " ناوچه‌ كوردییه‌كان ناوچه‌یه‌كی ئارام و ئۆقره‌ گرتوون، نابێ ئاسته‌نگیان بۆ دروست بكرێت، پێویسته‌ كێشه‌ی كورد له‌و وڵاته‌ به‌شێوه‌یه‌كی دادوه‌رانه‌ چاره‌سه‌ر بكرێ و نه‌كرێته‌ كێشه‌ی نێوان لایه‌نه‌ سیاسییه‌كان".

له‌باره‌ی ئۆپۆزسیۆنی ئه‌و وڵاته‌ گوتی " با هێزه‌كانی ئۆپۆزسیۆن له‌سوریا به‌كوردو عه‌ره‌به‌وه‌، واز له‌ناكۆكی ناوخۆیی بێنن و روو به‌ڕووی دوژمنێك ببنه‌وه‌ كه‌ مایه‌ی ئازارو ناڕه‌حه‌تییه‌ بۆ وڵاتی سوریا. ره‌وا نییه‌ هیچ لایه‌كیان كۆمه‌كی رژێمی سوریا بكات".

قه‌ره‌داخی بانگه‌وازیكرد له‌پێكهاته‌ جیاوازاه‌كانی سوریاو گوتی " داوا له‌گه‌لانی سوریا ده‌كه‌ین له‌م كاته‌دا هیچ كێشه‌و گرفتێك له‌نێوان خۆیان نه‌وروژێنن، كێشه‌ی تایفی و نه‌ته‌وه‌یی دروست نه‌كه‌ن تا ببێته‌ له‌مپه‌ڕی به‌رده‌میان، پێویسته‌ هه‌مویان هه‌وڵی سه‌رخستنی داواكارییه‌ هاوبه‌شه‌كه‌یان بده‌ن كه‌داوای ئازادییه‌".