Zana Natık Kerem
11 شوبات 2026•نوێکردنەوە: 16 شوبات 2026
ھەولێر – AA
ئەنجوومەنی باڵای دادوەریی عێراق رایگەیاند کە پێنج بازرگانی ماددەی ھۆشبەر، بە زیندانیکردنی ھەتاھەتایی سزادراون.
ئەنجوومەنی باڵای دادوەریی عێراق لە ڕاگەیەندراوێکدا ئاماژەی بەوەداوە کە دادگای تاوانەکانی ئەنبار سزای زیندانیکردنی ھەتاھەتایی بۆ پێنج بازرگانی ماددەی ھۆشبەر بە تاوانی بازرگانیکردن و فرۆشتنی ماددەی ھۆشبەر دەرکردووە.
بەپێی ڕاگەیەنداراوەکە، ئەو پێنج کەسە کە بە زیندانیکردنی ھەتاھەتایی سزادراون، پێشتر بە بڕێکی زۆری ماددەی ھۆشبەر لە جۆری "ئەمفیتامین و کافاین" دەستگیرکرابوون.
باسی لەوەیش کردووە کە سزاکە، بەپێی ماددەی ٢٨ لە یاسای بەرەنگاربوونەوەی ماددە ھۆشبەر و کارتێکارە عەقڵییەکان ژمارە (٥٠) بۆ ساڵی ٢٠١٧ دەرکراوە.
لە ماددەی ٢٨ لە یاسای بەرەنگاربوونەوەی ماددە ھۆشبەر و کارتێکارە عەقڵییەکاندا ئاماژە بەوەکراوە، ھەر کەسێک بازرگانی بە ماددەی ھۆشبەرەوە بکات، ئەوا بە لەسێدارەدان یان زیندانیکردنی ھەتاھەتایی سزا دەدرێت.
