عێراق.. دەستگیرکردنی حەوت تیرۆریستی داعش

ھەولێر ــ AA

لەمیانی زنجیرەیەک ئۆپەراسیۆندا، ھێزەکانی دژەتیرۆری عێراق، حەوت تیرۆریستیان لە پارێزگاکانی بەغدا و ئەنبار دەستگیرکرد.

گوتەبێژی فەرماندەی گشتیی ھێزە چەکدارەکانی عێراق، لیوا یەحیا رەسوڵ لە راگەیاندراوێکدا ئاماژەی بەوەداوە کە، ھێزەکانی دژەتیرۆر، لەمیانی دوو ئۆپەراسیۆندا، شەش تیرۆریستی داعشیان لە شاری رومادی و شارۆچکەی فەللوجە سەربە پارێزگای ئەنبار دەستگیرکردووە.

بەپێی راگەیەندراوەکە ھەروەھا ھێزەکانی دژەتیرۆر لە میانی ئۆپەراسیۆنێکدا، تیرۆریستێکی داعشیان لە قەزای ئەبو غرێب رۆژئاوای پارێزگای بەغدا دەستگیرکردووە.