لە سنوورى مێرگەپان سێ سەرپێچیکار دەستگیرکران

سلێمانی-AA

لە ناوچەی مێرگەپان لە شاری سلێمانی، بەهۆکارى زێدەڕۆییکردن بۆسەر موڵکی گشتی، سێ سەرپێچىکار دەستگیرکران.

بەڕێوەبەرایەتی پۆلیسی دارستان و ژینگەی سلێمانی رایگەیاند کە لە سنووری مێرگەپان بەهۆکاری زێدەڕۆییکردن بۆسەر موڵکی گشتی، سێ کەسیان دەستگیر کردووە.

لە راگەیەندراوەکەی پۆلیسی دارستان و ژینگەی سلێمانی-دا هاتووە "لە پێناو پارێزگاریکردن لە سروشت و ژینکەى سنوورەکەیان مەفرەزەکانى بنکەى پۆلیسى دارستان و ژینگەى مێرگەپان دەرچونێکیان ئەنجام داوە و توانیان سێ سەرپێچیکار دەستگیربکەن بەهۆکارى زێدەرۆییکردن لەسەر موڵکى گشتى".

لە راگەیەندراوەکەدا ئاماژە بەوە کراوە کە پەڕاوی لێکۆڵینەوە رێکخراوە و رادەستى دادوەر کراوە بۆ گرتنەبەری رێکارى یاسایى.