نێچیرڤان بارزانی: "سڵاو لە سلێمانی، شاری هەڵمەت و قوربانی"

ھەولێر - AA

سەرۆکی ھەرێمی کوردستان، نێچیرڤان بارزانی بە بۆنەی ساڵیادی دامەزراندنی شاری سلێمانییەوە پیرۆزبایی دەکات و دەڵێت "سڵاو لە سلێمانی، شاری ھەڵمەت و قوربانی و پایتەختی رۆشنبیریی کوردستان".

نێچیرڤان بارزانی لە پەیامێکدا کە بەبۆنەی ساڵیادی دامەزراندنی شاری سلێمان لە ھەژماری خۆی لە تویتەر و فەیسبووک بڵاویکردووەتەوە، نووسیویەتی، "٢٣٦ـەمین ساڵیادی دامەزراندنیدا، سڵاو لە سلێمانی، شاری ھەڵمەت و قوربانی و پایتەختی رۆشنبیریی کوردستان.

سەرۆکی ھەرێمی کوردستان لە بەشێکی دیکەی پەیامەکەیدا نووسیوویەتی "ئەو یادە لە ھەموو لایەک پیرۆز دەکەم و ھەر سەرفراز بێت سلێمانی".

جێی ئاماژەیە، شاری سلێمانی لە ١٤ ی تشرینی دووەمی ساڵی ١٧٨٤دا لەلایەن ئیبراھیم پاشای بابان دامەزراوە.