واتسئاپ لە عێراق و هەرێمی کوردستان و ژمارەیەک وڵاتی جیهان بچڕا

ھەولێر ــ AA

بەھۆی بوونی کیشە لە سێرڤەرە سەرەکییەکانی لە ئەورووپا، خزمەتگوزارییەکانی واتسئاپ لە ژمارەیەک وڵات و ناوچەی جیهان بچڕا لەنێویاندا، عێراق و هەرێمی کوردستان.

لەمبارەیەوە وەزارەتی گەیاندنی عێراق لە راگەیەندراوێکدا ھۆکاری بچڕاندنی خزمەتگوزارییەکانی واتسئاپ روون کردووەتەوە و رایگەیاندووە کە بوونی کێشە لە سێرڤەرە سەرەکییەکانی لە ئەورووپا، بووەتە ھۆی بچڕانی خزمەتگوزارییەکانی واتسئاپ.

ئەمڕۆ سێشەممە ٢٥ی تشرینی یەکەمی ٢٠٢٢، خزمەتگوزارییەکانی واتسئاپ لە ژمارەیەک وڵات و ناوچەی جیھان بچڕا لەنێویاندا، عێراق و هەرێمی کوردستان کە ئەوەیش وای کردووە، بەکارھێنەران نەتوانن لەڕێگای ئەم ئەپلیکەیشنەوە نامە، وێنە و ڤیدیۆ بۆ یەکتر بنێرن.