Fariq Faraj Mahmood
17 ئادار 2026•نوێکردنەوە: 18 ئادار 2026
هەڵەبجە - AA
بەهۆی تێکچوونی دۆخی ناوچەکە، یادی کیمیابارانی هەڵەبجە کە ساڵانە لە ساڵڕۆژی کارەساتەکە ئەنجام دەدرا، بەڕێوەنەچوو.
ئەمساڵ جیاواز لە ساڵانی ڕابردوو، بە هۆی جەنگی نێوان ئەمریکا-ئیسرائیل دژ بە ئێران، یادی ١٦ی ئادار، (٣٨)مین ساڵڕۆژی کیمیابارانی هەڵەبجە نەکرایەوە.
یادەکە بە بڕیاری پارێزگاری هەڵەبجە و بە بەمەبەستی پاراستنی هاووڵاتیان بووە و بۆیەش جیاواز لە ساڵانی پێشوو مۆنیۆمێنتی یادی کارەساتەکە لە هەڵەبجە کە ساڵانە لەم ڕۆژەدا قەرەباڵغ دەبوو، بە چۆلی مایەوە.
هاوکات مەزاری شەهیدانی کارەساتەکەش لە کەسوکاری شەهیدان و کەسایەتی و هاووڵاتیانی ناوچەکە کە ساڵانە لەم ڕۆژەدا سەردانیکەری هەبوو، چۆل بوو.
چۆلبوونی مۆنیۆمێنتی هەڵەبجە دەرفەتێک بوو بۆ منداڵان کە لەسەر ئەو کەرستە سەربازییانە (فڕۆکە، تانک و تۆپ) یاری بکەن کە پاشماوەی کارەساتەکەن و لە حەوشەی مۆنیۆمێنت نمایش کراون.
