بارسێلۆنا خۆی گەیاندە قۆناغی ١٦ی جامی شای ئیسپانیا

مەدرید - AA

لە گەڕی چوارەمی جامی شای ئیسپانیادا، یانەی بارسێلۆنا بە ئەنجامی ٢-١ سەرکەوتنی بەسەر لینارێس دیپۆرتیڤۆ تۆمار کرد و سەرکەوت بۆ قۆناغی ١٦.

یانەی لینارێس دیپۆرتیڤۆ لە خولەکی ١٩دا، یەکەم گۆڵی لە رێگەی هوگۆ دایز تۆمار کرد و نیوەی یەکەمی یارییەکە بەو ئەنجامە کۆتایی هات.

عوسمان دێمبێلی کە لە سەرەتای نیوەی دووەمی یاریەکەدا چووە نێو یاریگا لە خولەکی ٦٣دا، گۆڵی یەکسان بوونی تۆمار کرد و پاشان فیران جۆتگلا لە خولەکی ٦٩دا، دووەم گۆڵ و گۆڵی سەرکەوتنی تۆمار کرد.

پاڵەوانێتی جامی شای ئیسپانیا لە ١٩٠٢ دامەزراوە و یانەی بارسێلۆنا لە هەموو یانەکانی دیکەی ئەو وڵاتە زیاتر جامەکەی بردووەتەوە کە ٣١ جارە.