پرێمیەرلیگ.. چێڵسی یەکەم سەرکەوتنی تۆمار کرد

لە دواین یاری هەفتەی یەکەمی خولی نایابی ئینگلیزی بۆ تۆپی پێ، یانەی چێڵسی یەکەم سەرکەوتنی تۆمار کرد.

لە چوارچێوەی یارییەکانی خولی نایابی ئینگلیزی بۆ تۆپی پێ، شەوی رابردوو، یانەی چێڵسی لەناو یاریگای ستاندفۆرد بریج رووبەڕووی یانەی وێستهام یونایتد بووەوە.

یارییەکەش بە سەرکەوتنی کوڕانی کۆنتی بە ئەنجامی ٢-١ کۆتایی هات.

گوڵەکانی یانەی چێڵسی لە خولەکەکانی ٤٧ و ٨٩دا لەلایەن هەردوو یاریزان، ئیدین هازارد بە لێدانی سزا و دیۆگۆ کۆستاوە تۆمار کران.

تاکە گۆڵی یانەی ویستهامیش لە خولەکی ٧٧دا لە رێگەی یاریزان جەیمس کۆلینسەوە تۆمار کرا.