بێچووە شێرەکانی باخچەی ئاژەڵانی بورسا

بورسا - AA

باخچەی ئاژەڵانی بورسا کە لە ساڵی ١٩٩٨ کراوەتەوە، نزیکەی هەزار و ١٠٠ ئاژەڵی لە ١٣٦ جۆری جیاواز تیادایە.

لەنێویشیاندا سێ بێچووە شێر هەن کە سێ مانگ و نیو بەرلە ئێستا و لە مانگی ئایاری رابردوودا، لەدایک بوون.

تەنها نێرە و مێیەی شێری ئەفریقیی ناو باخچەکە کە لە لیستی سووری ئەو ئاژەڵانەدان کە مەترسی لەناوچوونیان لەسەرە، بە لەدایکبوونی ئەم سێ بێچووە بوونە پێنج شێر.

نزیکەی دوو مانگ بەرلە ئێستاش پێدانی ڤاکسین و پشکنینی بێچووە شێرەکان لەلایەن تیمی ڤێتەرنەری تایبەتەوە دەستی پێ کردووە و تا ئێستاش بەردەوامە.

بڕیاریشە لە چەند رۆژی داهاتوودا، دوای کۆتایی هاتنی قۆناغی چاودێری تەندروستیی، بێچوە شێرەکان بە دایک و باوکیان شاد ببنەوە.