هه‌كاری.. رزگاركردنی ١٠ كه‌س كه‌ به‌هۆی به‌فره‌وه‌ گیریانخواردبوو

هه‌كاری - AA

دوای سێ كاتژمێر له‌ هه‌وڵی تیمه‌كانی راماڵینی به‌فری رێگاوبانه‌كان، له‌ پارێزگای هه‌كاری ١٠ سه‌رنشینی دوو مینی پاس كه‌ یه‌كێكیان نه‌خۆش بوو و به‌هۆی به‌فر و هه‌ره‌سی به‌فره‌وه‌ گیریان خواردبوو، رزگار كران.

به‌هۆی به‌فر و هه‌ره‌سه‌وه‌ مینی پاسی یه‌كه‌ی خزمه‌تگوزاری نه‌خۆشخانه‌ی حكوومی هه‌كاری و مینی پاسی گوندی كایماكلی كه‌ ١٠ سه‌رنشینیان هه‌ڵگرتبوو و به‌ره‌وه‌ گونده‌كه‌ ده‌چوون كه‌ ٤٥ كم له‌ ناوه‌ندی هه‌كاریه‌وه‌ دووره‌، به‌هۆی داخرانی رێگاكه‌وه‌ گیریانخوارد.

دوای ئاگاداركردنه‌وه‌ی تیمی په‌یوه‌ندیدار گه‌یشته‌ ناوچه‌كه‌ و دوای سێ كاتژمێر له‌ كاركردن رێگاكه‌ی كرده‌وه‌ و هاووڵاتیيه‌كانی رزگاركرد.

به‌هۆی هه‌ره‌سی به‌فره‌وه‌ رێگای نێوان هه‌كاری و وان بۆ ماوه‌یه‌ك به‌ڕووی هاتوچۆدا داخرا.